Upande Mwingine wa Maisha Katika Nchi za Kiislamu

Hii si video ya kidini. Haielezei Ukristo wala Uislamu. Lakini ni video inayoonyesha maisha ya watu wa Irani ambayo ni nchi ya Kiislamu. Kwa jinsi ambavyo Uislamu unajinadi mbele ya ulimwengu, mtu ungefikiria kwamba watu wa nchi kama hizo wana furaha na utawala wa kidini wa nchi zao. Lakini je, hivyo ndivyo ilivyo?

Swali ni kwamba, kama hivyo sivyo ilivyo, viongozi wa nchi hizi wanamdanganya nani? Tawala ZOTE za kidikteta zina tabia moja – kufunika ubaya wao na kuonyesha mambo fulanifulani mazuri ili dunia idhani kuwa watu wake wana furaha; huku wakati huohuo wakiwazuia watu wake kujua mambo yanayoendelea kwenye ulimwengu nje ya nchi yao.

Unamdanganya nani? Kama unaonyesha picha ambayo katika hali halisi haiko hivyo, unayemdanganya ni mtu mwingine au unajidanganya wewe mwenyewe?

Manung’uniko na malalamiko ya watu katika nchi hizi yana maana moja kubwa kwamba – kutokana na ukweli kwamba hakuna mwanadamu anayependa kuamuliwa mambo yake - kuamuliwa aamini nini, kuamuliwa avae nini, kuamuliwa aende wapi, kuamuliwa asiende wapi, n.k., pale wanapokuja kugundua uhuru halisi ulio ndani ya Muumba wao na jinsi  Muumba wao (Yesu Kristo) anavyowathamini na kuwaheshimu, hapo ndipo wanapoachana na wakandamizaji wanaotumia maisha ya watu kwa faida ya wakandamizaji hao.

Unapoangalia na kusikiliza video hii, hiki ndicho unachoona na kutambua.

1.  Watu, na hasa kizazi cha vijana na wale waliozaliwa baada ya mapinduzi ya Irani, wamechoshwa na udikteta  wa watawala wa nchi hiyo.

2.  Watu wamechoshwa na imani kali ya kidini ambayo inawanyima uhuru na kuwafanya waishi maisha ya kitumwa.

3.  Watu wanafanya mambo kutokana na hofu ya kukamatwa na watawala na si kutokana na kumpenda Mungu au kupenda dini.

4.  Tawala za kidikteta zinawalazimisha watu kufanya mambo mbalimbali, si kwa faida ya watu hao, bali ni kwa lengo la kujionyesha kwa ulimwengu kwamba eti wananchi wanafurahia kuyafanya mambo hayo.

5.  Watu wanaamua kuasi dhidi ya tawala za kidikteta na kufanya yale ambayo mioyo yao hasa ndiyo inayoyataka.

Hakika kabisa, huko mbele tunakoelekea, Roho Mtakatifu anaenda kubomoa kuta zilizosimamishwa na watawala wa aina hii ili kwamba upendo wa Mungu utawale na kufungua mioyo ya wanadamu wanaoteseka chini ya makongwa ya kidini ya watawala madikteta.

Mwanadamu hawezi kushindana na Mungu aliyewaumba wanadamu kwa upendo mkubwa. Ni suala tu la majira na nyakati alizoziweka kutimia. Kibinadamu tunapoangalia hali ilivyo tunaweza kusema, “Nchi hizi haziwezi kamwe kubadilika.”

Lakini acha nikwambie kweli. Hata sasa kuna jambo la kushangaza sana linaloendelea kwenye ulimwengu wa Kiislamu ambalo si kazi ya mwanadamu, bali ni kazi ya Roho Mtakatifu mwenyewe!! Hakika kabisa!!

Misingi ya vifungo ndani ya ulimwengu wa Kiislamu inatikiswa na inaendelea kubomoka na Waislamu kwa mamilioni wanamgeukia Yesu Kristo – hata kule ambako hakuna hata mhubiri mmoja wa Kikristo.

Biblia inasema wazi:

Katika siku hiyo itakuwako madhabahu katika nchi ya Misri kwa Bwana, na nguzo mpakani mwake kwa Bwana.

Nayo itakuwa ishara na ushuhuda kwa Bwana wa majeshi katika nchi ya Misri; kwa maana watamlilia Bwana kwa sababu ya watu wawaoneao, naye atawapelekea mwokozi mwenye kuwatetea, naye atawaokoa.

Na Bwana atajulikana na Misri, na Wamisri watamjua Bwana katika siku hiyo; naam watamtumikia kwa dhabihu na matoleo, nao watamwekea Bwana nadhiri, na kuzitekeleza.

Naye Bwana atapiga Misri, akipiga na kuponya; nao wakirudi kwa Bwana, atakubali maombi yao na kuwaponya.

Katika siku hiyo itakuwako njia kuu itokayo Misri na kufika hata Ashuru; Mwashuri atafika Misri, na Mmisri atafika Ashuru, na Wamisri wataabudu pamoja na Waashuri.

Katika siku hiyo Israeli atakuwa wa tatu pamoja na Misri na Ashuru, watakuwa baraka kati ya dunia;

kwa kuwa Bwana wa majeshi amewabariki, akisema, Wabarikiwe watu wangu Misri; na wewe Ashuru, kazi ya mikono yangu; na wewe Israeli, urithi wangu. (Isa 19:19 - 25).

Kama ilivyo kawaida ya Neno la Mungu, huwa halitanguki hadi yote yatimie. Hili nalo lazima litatimia! Ashuru ni eneo ambalo hivi leo ni nchi za Uturuki, Iraki, Irani na Syria.

Siku zinakuja ambapo hakutakuwako na Uislamu kabisa. Hii si kazi ya mwanadamu bali kazi ya Mungu mwenyewe aliyeumba mbingu na nchi na wanadamu ambao anawapenda mno mno.

Upinzani unaoonekana hivi sasa kana kwamba ni mkubwa sana utaendelea kuongezeka ili kwamba nguvu za Mungu zionekane wazi. Unapotazama kibinadamu ni lazima utasema, “Aa wapi! Yaani Irani au Saudi Arabia ije kuwa ni nchi inayomwamini Yesu Kristo kama Mungu na Mwokozi wa ulimwengu?!”

Kwa Bwana yote yanawezekana. Na kadiri upinzani unavyokuwa mkubwa kabisa, ndivyo utukufu wa Mungu unavyoonekana zaidi.

Unaweza kutazama pia HAPA. 

Pia HAPA.

Na HAPA.

Najua ni rahisi tu kusema hivi, "Ah, hakuna kitu kama hicho. Hizo ni propaganda tu za Wakristo. Hakuna Mwislamu wa kweli atakayeacha Uislamu na kuingia kwenye Ukristo. Wanaoacha ni wale wasioujua Uislamu sawasawa."

Watu wana mioyo. Na moyo wa mtu husema naye muda wote. Kila mmoja wetu anapambana na maisha haya huku tukijaribu kujaza utupu au uwazi fulani ulio mioyoni mwetu - lakini jambo hili haliwezekani kamwe. Baadhi wanajaribu pombe, wanashindwa! Wengine wanajaribu dawa za kulevya, uzinzi, biashara, na HATA DINI!!! Lakini yote ni kazi bure. Jibu ni moja tu kwa ajili ya moyo wa mwanadamu unaotafuta amani na furaha - YESU!!!

Njoo kwa Yesu leo.

Tafakari.

Chunguza mambo.

Chukua hatua.